Philippine Information Agency NCR

Libreng sakay sa MRT-3 sa Araw ng Kalayaan

June 11, 2021

ni: JIMMYLEY E. GUZMAN

LUNGSOD PASIG, Hunyo 11 (PIA) -- Sa pagdiriwang ng ika-123 anibersaryo ng proklamasyon ng Araw ng Kasarinlan ng Pilipinas, handog ng Department of Transportation (DOTr) MRT-3 ang libreng sakay sa darating na Hunyo 12, 2021 (Sabado).

Libreng makasasakay ang mga pasaherong bibiyahe mula alas-7 ng umaga hanggang alas-9 ng umaga, at mula alas-5 ng hapon hanggang alas-7 ng gabi.

Paalala rin ng MRT-3 sa mga pasahero na mahigpit na ipinatutupad sa loob ng mga tren ang "7 Commandments” kontra COVID-19 kabilang ang wastong pagsusuot ng facemask at faceshield, pagbabawal sa pagsasalita, pag-inom at pagkain, at pagpapairal ng tamang social distancing protocol sa mga pasahero.

Bukod sa COVID-19 health and safety protocols, bawal na bawal din sa mga istasyon ang pagbaba at pagtawid sa mga riles ng hindi mga awtorisadong indibidwal. 

Hindi rin dapat lumagpas sa mga itinakdang yellow marks sa sahig ng platforms ang mga pasaherong naghihintay ng tren. (PIA NCR) 
Tags
PIA-NCR

Posted by PIA-NCR

PIA's aim is to disseminate information about government programs, projects, and services to the Filipino public, with the final goal of seeing the quality of their lives improved and empowered to participate in the country’s democratic processes. As the only government information network that can reach the grassroots—spanning 16 regional offices and 72 provincial information centers—the PIA is the country’s chief information arm.

Post a Comment

0 Comments